Friday, July 28, 2017

ബാങ്കുവിളി ഏകീകരിച്ചുകൂടേ?

mosque

മതസ്ഥാപനങ്ങളിലെ ഉച്ചഭാഷിണി ഉപയോഗം ശബ്ദമലിനീകരണം സൃഷ്ടിക്കുകയാണെന്ന ആരോപണം ഒരു വസ്തുതയാണല്ലോ. ഉച്ചഭാഷിണി ആരാധനകള്‍ക്ക് അടിസ്ഥാനമാക്കേണ്ടതുണ്ടോ? പ്രവാചകകാലത്ത് ഇതൊന്നും ഉപയോഗിക്കപ്പെട്ടിട്ടില്ലല്ലോ. ആരാധനാലയങ്ങളില്‍ നിന്നും ശബ്ദം പുറത്തേക്കു വിടുന്നതിന്റെയും മുസ്‌ലിം സമൂഹത്തില്‍ ബാങ്കുവിളി ഏകീകരിക്കുന്നതിന്റെയും തെറ്റും ശരിയും വിശകലനം ചെയ്യാമോ?

Monday, October 17, 2016

സാകിർ നായിക്ക് - മിത്തും യാഥാർത്ഥ്യവും


സാകിർ നായിക്ക് എ‍ന്നും ഒരു വിവാദനായകനായിരുന്നു. ബംഗ്ലാദേശിൽ ഈയിടെ നട‍ന്ന ഭീകരാക്രമണത്തിന്റെ ആശയ സ്രോതസ്സ് സാകിർ നായിക്കായിരുന്നു എ‍ന്ന ആരോപണമാണ് സാകിറിനെ വീണ്ടും മാധ്യമങ്ങളിൽ ഉയർത്തിക്കൊണ്ടു വ‍ന്നത്. സാകിർ നായിക്കിന്റെ വീഡിയോകൾ അധികം കണ്ടിട്ടില്ലെങ്കിലും സ്വന്തം മതത്തിന്റെ അപ്രമാദിത്വം സ്ഥാപിക്കാൻ ഒരു ടെലിവാഞ്ചലിസ്റ്റ് നടത്തുന്ന പാഴ്ശ്രമങ്ങൾക്കപ്പുറമായി തീവ്രവാദപ്രവർത്തനങ്ങൾക്കുള്ള ഒരു തുറന്ന ആഹ്വാനം സാക്കിർ നായിക്ക് നടത്തിയിട്ടുണ്ടോ എ‍ന്നറിയില്ല. എ‍ന്നാൽ സാക്കിർ നായിക്ക് വിമർശിക്കപ്പെടു‍ത് അത് കൊണ്ടൊന്നുമല്ല. 

Friday, March 11, 2016

മുഖംമൂടുന്ന ശിരോവസ്ത്രം ജൂതപാരമ്പര്യം: നിരോധിക്കാന്‍ ഈജിപ്ഷ്യന്‍ പാര്‍ലമെന്റില്‍ ബില്‍

കെയ്‌റോ: മുഖം മൂടുന്ന ശിരോവസ്ത്രം നിരോധിക്കാന്‍ ഈജിപ്ഷ്യന്‍ പാര്‍ലമെന്റെിന്റെ ബില്‍. പൊതുസ്ഥലങ്ങളിലും സര്‍ക്കാര്‍ സ്ഥാപനങ്ങളിലും മുഖംമൂടുന്ന ശിരോവസ്ത്രം ധരിച്ച് പ്രത്യക്ഷപ്പെടുന്നത് വിലക്കാനാണ് ഈജിപ്ഷ്യന്‍ പാര്‍ലമെന്റ് കൊണ്ടുവന്ന കരട് ബില്ലില്‍ പറയുന്നത്. 

Monday, January 18, 2016

ഇറാൻ - പവനായിയും ശവമായി


അങ്ങനെ പവനായിയും ശവമായി!

ഇറാന്റെ സമുദ്രാതിർത്തി ലംഘിച്ച് പിടിയിലായ അമേരിക്കൻ നാവികർക്ക് ചോറും കറിയും വിളമ്പുന്ന ഇറാന്റെ റവല്യൂഷണറി ഗാർഡുകളായിരുന്നു അടുത്തിടെ ലോകമാധ്യമങ്ങളിലെ താരങ്ങൾ. അമേരിക്കയെ വെല്ലുവിളിച്ചും ഇസ്രായേലിനെ “തുടച്ച് നീക്കാൻ” കോപ്പു കൂട്ടിയും നടന്നിരുന്ന അഹ്മദി നിജാദിന്റെ ഇറാൻ ഇന്ന് ഏറെ മാറിയിരിക്കുന്നു എന്ന് വ്യക്തമാക്കുന്നതായിരുന്നു ആ ചിത്രങ്ങൾ. നാവികരെ തിരിച്ച് വിട്ടു കൊടുക്കാൻ ഇറാൻ കാണിച്ച വ്യഗ്രത തന്നെ മതത്തെ ഏറ്റുമുട്ടലിന്റെ പാതയാക്കുന്നതിന്റെ അനഭിലഷണീയതയെപ്പറ്റി ഇറാൻ പഠിച്ച ചില നല്ല പാഠങ്ങളുടെ സാക്ഷ്യപത്രമാണ്.

Monday, December 28, 2015

മതവിജ്ഞാനത്തിന്റെയും ഭൗതികവിജ്ഞാനത്തിന്റെയും വിഭജനം.


മൗലാനാ വഹീദുദ്ദീൻ ഖാൻ

The legacy of Islam (1931) എന്ന തന്റെ പ്രസിദ്ധമായ ഗ്രന്ഥത്തിൽ ബാറോൺ കാരാ ഡി വോക്സ് അറബികളുടെ വൈജ്ഞാനിക നേട്ടങ്ങളെ അംഗീകരിക്കുന്നുണ്ടെങ്കിലും അവരെ ഗ്രീക്കുകാരുടെ ശിഷ്യന്മാർ മാത്രമായി തരംതാഴ്ത്തുന്നു. History of Western Philosophy   എന്ന തന്റെ ഗ്രന്ഥത്തിൽ ബർട്രാണ്ട് റസ്സലും അറബികളെ ഗ്രീക്ക്ചിന്തയുടെ സംപ്രേക്ഷകരായി മാത്രം മാത്രം കണക്കാക്കുന്നു; അതായത് യൂറോപ്പിലേക്ക് ഗ്രീക്ക് വിജ്ഞാനം തങ്ങളുടെ തർജ്ജമകൾ വഴി കൊണ്ടു വന്നവർ മാത്രമത്രേ അറബികൾ!